Аўтар: Юшкевіч С.У., настаўнік 1 катэгорыі Высокаўскай сярэдняй школы.
Мэтавая група: настаўнікі беларускай мовы і літаратуры раёна.
Мэта майстар-класа.
Мяркуецца, што ўдзельнікі майстар-класа:
- будуць ведаць, што такое медыятворчасць і як з дапамогай медыятворчасці фарміруецца інфармацыйная кампетэнтнасць навучэнцаў;
- сфарміруюць ўяўленне аб магчымасці выкарыстання медыяттворчасці ў адукацыйным працэсе;
- змогуць прымяніць працу з медыяттворчасцю ў сваёй прафесійнай дзейнасці.
Абсталяванне: камп'ютар, прэзентацыя.
План правядзення:
1 Знаёмства з планам майстар-класа, пагружэнне ў праблему.
- Прэзентацыя педагагічнага вопыту педагога-майстра па тэме.
- Дзелавая гульня для ўдзельнікаў майстар-класа.
- Падвядзенне вынікаў работы, рэфлексія.
Добры дзень, паважаныя сябры! Я рада вас вітаць і спадзяюся на сумесную паспяховуюі плённую калектыўную работу. Мы сёння будзем працаваць у групах. Тэма майго майстар-класа «Медыятворчасць як сродак фарміравання інфармацыйнай кампетэнтнасці навучэнцаў”
Медыяадукацыя ў сучасным свеце разглядаецца як працэс развіцця асобы з дапамогай і на матэрыяле сродкаў масавай камунікацыі (медыя) з мэтай фарміравання культуры зносін з медыя. Медыя – (паходзіць ад лацінскага ”medium” – пасярэднік, сродак) сродкі масавай камунікацыі (СМК) , да якіх традыцыйна адносяць друк, прэсу, тэлебачанне, кінематограф,радыё, гуказапісы, інтернет.. Натуральным лічыцца выкарыстоўваць на ўроках, акрамя падручнікаў, розныя медыярэсурсы, у тым ліку створаныя самімі вучнямі. Вось пра медыятворчасць і пойдзе сёння размова. Сфера медыятворчасці – гэта сфера стварэння асабістых медыятэкстаў.
Медыятэкст ці медыяпаведамленне - гэта паведамленне любога віду і жанру, перададзенае з дапамогай візуальных або аўдыясродкаў і створанае для масавага распаўсюджвання.
Медыятворчасць стварае эфект фарміравання станоўчай матывацыі да навучання, што дасягаецца за кошт наступных яго пераваг над традыцыйнай творчасцю:
- аўтар мае магчымасць прадставіць свой прадукт не толькі на ацэнку настаўніка, але і шырокай аўдыторыі;
- аўтар мае магчымасць быць ацэненым (прызнаным) не адзін раз настаўнікам, а шмат разоў праз сістэму лайкаў.
Асноўныя медыяжанры:
відэафільм,
ролік,
блог,
артыкул,
пост у сацыяльнай сетцы,
радыёперадача,
публіцыстычная нататка,
інфаграфіка,
плакат,
карыкатура,
гульня і інш.
У аснове любога медыяжанра ляжыць медыятэкст.
Навошта ствараць медыятэкст нежурналісту?
Нават калі вучні думаюць, што не будуць ніколі гэта рабіць, яны памыляюцца. Рана ці позна ім прыйдзецца скласці і размясціць на сайце сваё рэзюмэ, каб атрымаць добрую працу, напісаць абвестку, распаўсюдзіць яе праз сацыяльныя сеткі, зняць і запампаваць на youtube ролік для сваіх сяброў...
Школа - якраз тое месца, дзе можна і трэба гэтаму навучыцца.
Рэкамендацыі як стварыць медыятэкст
- Падумайце мэту вашага паведамлення і адкажыце на 3 пытанні:
Што я хачу сказаць?
Каму?
Навошта?
Памятайце, што любы медыятэкст утрымлівае медыяпасланне (мэсыдж). Мэсыдж можа быць зашыфраваны ў тэксце і дзейнічаць на падсвядомасць.
- Вызначце форму, якая найбольш эфектыўна перадасць задуманы вамі пасыл да выбранай мэтавай групы. Гэта можа быць відэафільм, ролік, блог, артыкул, пост у сацыяльнай сетцы, радыёперадача, публіцыстычная нататка, інфаграфіка, плакат, карыкатура, гульня…
- Падумайце пра адказнае карыстанне медыйнай прасторай: бяспеку ў інтэрнэце, захаванне аўтарскіх правоў, пазбяганне плагіяту.
- Размясціце свой медыяпрадукт у інтэрнэце.
Я хачу спыніцца на стварэнні рэкламнага роліка літаратурнага твора ці кнігі, так званага буктрэйлера.
Буктрэйлер уяўляе сабой невялікі відэаролік, які складаецца з кароткіх і звычайна найбольш відовішчных фрагментаў, які выкарыстоўваецца для яго анансавання або рэкламы. Праца з трэйлерам на ўроку мае на ўвазе не толькі аналіз твора, але і выяўленне механізмаў уздзеяння рэкламы на чалавека.
Адметныя прыкметы буктрэйлера:
1. Стварэнне буктрэйлера накіравана на рэкламу менавіта літаратурнага твора.
2. Калі ў выпадку фільмаў гаворка ідзе пра дэманстрацыю самых яркіх момантаў ужо гатовага твора мастацтва, то буктрэйлер - гэта заўсёды неабходнасць ствараць падобныя кадры з нуля. Па сутнасці, гэта пераўтварэнне слова ў карцінку, пераход з аднаго віду мастацтва ў іншы, іх узаемадзеянне, дыялог паміж імі.
3. Буктрэйлер - гэта яшчэ і свайго роду спосаб папулярызацыі чытання.
- Адной з асноўных асаблівасцяў такога роду ролікаў можна назваць прастату іх выканання. Вядома, у дадзеным выпадку не маюцца на ўвазе прафесійныя кліпы, на стварэнне якіх вылучаюцца велізарныя грошы. Уся справа ў тым, што выпуск такога роліка цалкам па сілах любому чалавеку, галоўнае, каб было жаданне.
- Вельмі важна, каб твор, па якім здымаецца ролік, быў цікавы аўтару, натхняў яго. І, нарэшце, тэхнічная складнік: акцёры, дэкарацыі і апаратура. Абсталяванне не абавязкова павінна быць першакласным, а выканаўцы роляў - уладальнікамі прэміі "Оскар". Пры наяўнасці ўнутранай неабходнасці, жадання і энтузіязму добры ролік можна зняць на камеру мабільнага тэлефона.
Разнавіднасці буктрэйлераў:
гульнёвыя (міні-фільм па кнізе);
негульнёвыя (набор слайдаў з цытатамі, ілюстрацыямі, кніжнымі разваротамі, малюнкамі, фатаграфіямі і г.д.);
анімацыйныя (мультфільм па кнізе).
Па змесце буктрэйлеры дзеляцца на:
апавядальныя (прэзентуюць аснову сюжэта твора);
атмасферныя (якія перадаюць асноўны настрой кнігі і чытацкія эмоцыі);
канцэптуальныя (транслююць ключавыя ідэі і агульную сэнсавую накіраванасць тэксту).
Вядома, ролікі могуць сумяшчаць элементы розных класіфікацый. Напрыклад, негульнёвы буктрэйлер можа ўтрымліваць элементы анімацыі або быць адначасова апавядальным і атмасферным.
Этапы стварэння буктрэйлера:
Першы этап: выбар кнігі.
Матывацый ў выбары кніг для стварэння буктрэйлера можа быць мноства. Гэта і стварэнне буктрэйлераў да тых твораў, якія вывучаюцца ў школе, з мэтай прапаганды чытання, гэта і рэклама новых кніг, і прасоўванне кніг-юбіляраў, і кніг, прымеркаваных да дат і падзей. Ці проста стварэнне сітуацыі зацікаўленасці ў чытанні цікавага твора.
Другі этап: стварэнне сцэнарыя да буктрэйлера (прадумаць сюжэт і напісаць тэкст).
Сюжэт-гэта аснова відэароліка, тое, з чаго ён будзе складацца. Па сутнасці, гэта самая складаная задача пры стварэнні буктрэйлера. Калі гэта апавядальны буктрэйлер-важна ўнесці інтрыгу і выбудаваць сюжэт такім чынам, каб чытачу абавязкова захацелася даведацца, што ж будзе далей. А даведацца гэта можна, толькі прачытаўшы кнігу. Калі атмасферны-трэба вызначыць, які ж настрой гэтай кнігі, і з дапамогай якіх сродкаў яго можна перадаць.
Трэці этап: выбар сродкаў для стварэння буктрэйлера і праграмная рэалізацыя.
Знайсці або запісаць неабходны відэаматэрыял і аўдыёматэрыял: галасы, гукі, музыку. Падабраць фота і ілюстрацыі. Гэта могуць быць малюнкі, адсканаваныя ілюстрацыі кнігі, Цяпер можна аб'яднаць наяўныя візуальныя і аўдыёматэрыялы ў адно цэлае.
Для самастойнага стварэння буктрэйлера спецыялісты рэкамендуюць дзве праграмы-PowerPoint і WindowsMovieMaker. У першай вы ствараеце прэзентацыю, якую можна будзе запісаць. У другой праграме адбываецца мантаж усяго відэа.
Чацвёрты этап. Пераўтварэнне прэзентацыі ў відэаролік.
Алгарытм дзеянняў для пераўтварэння прэзентацыі ў відэаролік:
1. Файл
2. Экспорт
3. Создать видео
4. Время показа каждого слайда
5. Создать видео
Пяты этап. Распаўсюджванне медыяпрадукта.
Буктрейлер вы можаце выкласці на зручны і папулярны ў сетцы сэрвіс YouTube.
Далей выкарыстоўваюцца сацыяльныя сеткі і блог для хуткага росту папулярнасці буктрэйлера. Сакрэт поспеху-рэзкі рост колькасці праглядаў відэа, націскаў кнопкі "мне падабаецца" пад відэа і колькасць каментарыяў.
Тыповыя памылкі пры стварэнні ролікаў:
1. Адсутнасць знака ўзроставага абмежавання.
2. Адсутнасць інфармацыі аб бібліятэцы, у якой можна ўзяць рэкламуемую кнігу.
3. Адсутнасць спасылак на фільмы, музыку, якія выкарыстоўваюцца ў роліку.
4. Занадта хуткая змена тэксту на экране або яго нечытабельнасць.
5. Простая нарэзка з эпізодаў экранізаванай версіі мастацкага твора.
6. Неадпаведнасць музычнага суправаджэння тэме рэкламуемага твора.
Практычная частка майстар-класа (дзелавая гульня)
Аўдыторыя дзеліцца на групы. Кожная група працуе з гатовай прэзентацыяй. Задача: стварыць медыятэкст да слайдаў і пераўтварыць прэзентацыю ў відэаролік па прапанаваным алгарытме. Прагляд атрыманага медыяпрадукта.
Падвядзенне вынікаў (абмен уражаннямі ад праведзенага майстар-класа)
Рэфлексія.
Праглядзіце буктрэйлер, створаны вучаніцай 10 класа нашай школы, на сэрвісе YouTube і , калі вам спадабаўся сённяшні майстар-клас, пастаўце лайк.